Inkuru Ya Ka Bogso

Iyi ni inkuru ya Ka Bogso, ijambo ry’igisomali risobanura "gukira" kugira ngo ubeho mu buzima bwuzuye. 

Yatangijwe na Fowsia Musse, impunzi yo muri Somaliya akaba  n’umuyobozi w’abaturage i Lewiston, Maine, muri Amerika. Inkuru ya  Ka Bogso ivuga uburyo abantu bakira kandi bagakura, nyuma y’ihungabana, iyi nkuru kandi igaragaza ibyo mu rurimi rw’amahanga rw’Icyongereza bita "5Rs" mu kinyarwanda akaba ari ‘K eshanu’ ; nk’ibyiciro bitajyana neza mu murongo umwe byo gukira no gukura nyuma y'ihungabana.

Abagore babiri babimukira muri Maine bafashije guha ubuzima inkuru ya Ka Bogso nk’inkuru yanditse kandi igaragara. Yun Garrison, umwimukira w’umunyakoreya kandi akaba n’ impuguke mu by'imitekerereze y’imyororokere i Lewiston, yahinduye inkuru yo mu kanwa ya Fowsia ihinduka igitekerezo cyanditse, ahuza ubushishozi bw'imitekerereze n’imyororokere n’ibisobanuro by’umuco n’umwuka. Yakoresheje umwenda wa nyirakuru w’Umunyakoreya, akaba ari ikimenyetso cyo kwigira ndetse no kwihangana kw'abagore birenze imbibi z’imigabane, n'ibisekuru. Umuhanzi w’ibishushanyo Won Kyung Lee, na we akaba Umunyakoreya wimukiye muri Gray, Maine, yahanze ubuhanzi bw’ibishushanyo kugira ngo afatanye mu bumwe n’abagore b’impunzi b’Abanyasomaliya.

Icyiciro cya mbere: Kwiruka

Icyiciro cyo Kwiruka gihagarariye "ibirenge bihunga" nk’uko  abakobwa bo muri Somaliya bahunga urugomo n’ intambara. Ushobora kumva ufite ubwoba kubera iterabwoba, akaduruvayo, impagarara, n’ibindi bigiye bitandukanye. Ibitekerezo byawe bihinduka bigana mubyiyumviro byimbere kuko mbere na mbere,  ugomba kurwana no kubaho. Uzumva ushaka guhunga, kwihisha, gukomeza guceceka, no guhora ukemura ibibazo na nyuma yo kubona ubuhungiro.

Ubu buhanzi bushimangira guhunga ukoresheje ibirenge byambaye ubusa. Umukobwa wambaye Somaliya Baati (imyambarire gakondo ya Somaliya) ugaragara muri iki gishushanyo arimo ariruka, ashaka ubuhungiro n'umutekano, bihagarariwe na kare ntoya ifite ubusobanuro bw’ ibyiringiro.

• Muri aka kanya, turagusaba ngo utekereze: Ni gute ibirenge byawe bikukomeza iyo ukeneye guhagarara neza, kandi ni gute bikujyana iyo igihe kigeze cyo guhunga cyangwa gushaka inzira nshya? 

Icyiciro cya kabiri: Kwimuka

Icyiciro cyo Kwimuka gihagarariwe no “gutura mu ihema.” Uri mu buhungiro bw'agateganyo. Bidatinze, nyuma yo gutabarwa by'agateganyo, ushobora kumva ufite ubwoba, udatuje, wigunze, kandi uhangayitse. Utangiye, gusobanukirwa ko watakaje ubuzima bwawe wari usanzwe ubayemo.  Murug (bivuze  umubabaro mwinshi, n’ intimba) na Qaracan ( Ihungabana, no guhagarika k’umutima) byombi bitangira gukurira mu bitekerezo byawe.

Ubuhanzi buherekeza iki gitekerezo bwerekana ubuhungiro bw’agateganyo n’imibereho idafite ibyangombwa bihagije. Imyambaro iciriritse igaragaza ko ibikenewe by’ibanze byabuze cyangwa ari bike cyane. Ibyiringiro bishobora kuba bitagaragara, ariko birahari kandi bikurira munsi y'ibirenge byawe no mu kirere hejuru yawe. N'ubwo ibintu bidatekanye, ubuzima bwawe buracyahari. Imiterere y'ibinyabuzima itanga ibyiringiro n'ihumure.

• Fata akanya utekereze: Niki cyagutera gushima muriki gihe gito, nubwo ubuzima bwawe butari bwiza cyangwa ngo bube butuje? 

Icyiciro cya gatatu: Kwibira Kw’amarangamutima

Muri iki cyiciro, habaho ububabare bukomeye bwo mu mutwe n'iyo ibikenerwa by’ibanze by'umubiri n'umutekano byaba byujujwe. Amagambo nk’ayo ngo “Ugomba kubyihanganira” arakomera kumva mu bihe bikomeye cyane. Ku bw'ibyo, ushobora gusa guseka cyangwa kwigira nk'aho uri amahoro. Mu gihe gishize, agahinda k'umuranduranzuzi karagushengura mu mutima. Wumva ubabaye mu byiyumvo kandi wumva utari kumwe n’abandi. Wumva wamaze gutakaza ishusho yawe bwite.

Ubuhanzi bugaragaza ishusho y’ibice byacitse mu mubiri wicaye, bigaragara mu mabara yijimye. N'ubwo ibyiringiro bitagaragara neza, biracyabaho bifite ukwizera mu ubuzima ugifite. Ibyiringiro bigaragarira  mu dusanduku duto tw’amabara anyanyagiye mu mwijima, dukikije igiti, hejuru no munsi y’umuntu wicaye.

• Let’s pause and reflect: Ni iki umuntu uri muri iki cyiciro yaba akeneye ku muryango we? Ni iki waba warashatse cyane ku bandi mu bihe bikomeye mu buzima bwawe? 

Icyiciro cya kane: Kwiyunga

Kwiyunga bisobanura kongera gusubiza hamwe ibyamaze kubaho mu buzima no kubibona mu bundi buryo. Wongera kubona inzira zo kubaho wumva impuhwe, uhuje n’abandi, kandi wiyemeje kubaho mu buryo bwuzuye. Umunezero n’ibyiringiro biragenda byiyongera. Wongera kwakira indangagaciro zawe kandi ugatanga umusanzu mu mibereho myiza y'umuryango, abaturanyi, n’umuryango mugari, ukanashyira imbere gushima.

Ubuhanzi bugaragaza uburyo ibihe byo mu bihe byashize, uburambe, n’indangamuntu byongera gusanga muri wa mwimerere. Umukobwa utwaye ibihe by’ububabare mu mutima yambaye imyenda iciriritse, kandi yahoze ahora yiruka. Agumbatiwe n'umugore mukuru wambaye Baati iteye amabara, umuha impuhwe, uburinzi, n'urukundo. Uwo mukobwa na we yegera uwo mugore mukuru, bisobanuye ko atakigerageza kwitandukanya na we no guhagarika amarangamutima ye. Barareba igiti kimwe cyerekana ubwuzure no gukura. Amaso yabo yuzuyemo amabara akozwe mu ruziga, buri ruziga rugereranya n’ icyizere. 

• Take a few moments and ask yourself: Kumva wuzuye bivuze iki kuri wowe, kandi ni intambwe ki wafata ngo wumve wuzuye mu buzima bwawe? 

Icyiciro cya 5: Kugira Icyemezo

Icyiciro cy’icyemezo kirangwa no guha agaciro umurage w’abo ukunda, imiryango, n’inshuti. Ushyiraho intego zifite agaciro mu kuzamura imibereho myiza y’abandi. Gukira no gukura ntabwo bikorwa cyangwa biba mu buryo runaka bukurikanwa. Ubu uri umuntu ushaka gukomeza gukura ubuzima bwe bwose. Ubu amarangamutima atoroshye ntagishobora kwirindwa cyangwa guhishwa;ushobora kugaragaza ndetse ugasangira amarangamutima yawe mu bushuti cyangwa, mu mibanire wumva ko itekanye. Imyitwarire ifite agaciro iriyongera, nko gutega amatwi no kwita kubandi, gukemura ibibazo byabagenzi bawe, gusangira inkuru ndetse n’ibyo wanyuzemo hamwe n’abandi, gusangira amafunguro, ndetse n’igihe cyawe hamwe n’ abandi.

Ubuhanzi bugaragaza ibiganza by’umugore w’impunzi wo muri Somaliya bifatanye. Baati ye yakusanyirijwe hamwe nigitambara cyi cyatsi, gihagarariye imyumvire yo gufata icyemezo; binashushanya umuryango we wapfuye wahoze umufata mu biganza igihe bariho kandi bambaraga baati y’ibara ry’icyatsi cya emerald. Imiterere y’umwenda utukura yahiswemo kuko isobanura gukira mu muco wa Somaliya. Mu ishusho y’amabara n’imiterere itandukanye y’icyizere, igiti kirakura kikagera ku mwimerere wacyo mu cyiciro cya nyuma, kikagaragaza gukira no gukura nyuma yo kunyura mu bibazo.

• Dusoza, reka twongere dutekereze: Ese nigute wakiriye ibice byawe cyangwa by’ ubuzima bwawe wigeze kubona ko bigoye kubyakira? Ni gute wabona umuti ku bintu bikiguhangayikishije kandi utarabonera igisubizo?

Mu gusoza iyi nkuru, turagutumira kwifata neza no kwitondera amarangamutima yawe. Fata umwanya wo kuzirikana kuri iyi nkuru ndetse n'ibyo wanyuzemo. Gukira no gukura birashoboka, kandi twese dukeneye imiryango ndetse na sociyete yita ku bantu, itanga inkunga kandi yizewe kugira ngo idufashe mu rugendo rwacu.

Iyo nkuru yahinduwe mu rurimi rwawe kandi ivugwa na [Izina ryawe].

Inkuru yahinduwe mu Kinyarwanda kandi itangazwa na Asiimwe Hirwa Deborah Meillah.